Të enjten, para Gjykatës janë paraqitur tre të akuzuar për sulmin terrorist të 24 shtatorit 2024 në Banjskë të Zveçanit. Prokurori Special, Naim Abazi, ka prezantuar pamje filmike që dëshmojnë përgatitjet dhe planifikimin e këtij sulmi.
Sipas Abazit, në sulm janë përfshirë struktura të larta të shtetit të Serbisë dhe pjesëtarë të strukturave ilegale që veprojnë në pjesën veriore të Kosovës, përfshirë edhe Millan Radoiçiq. Ai shtoi se të akuzuarit, mes tyre edhe Vladimir Radivojeviq, kishin kërkuar armatosje dhe fillimin e rezistencës kundër institucioneve të Republikës së Kosovës, konkretisht në katër komunat e veriut të Mitrovicës.
Prokuroria paraqiti gjithashtu video të marra nga dronët e konfiskuar nga grupi terrorist, të cilat tregojnë ushtrime fizike, taktike me armë, shpërthime me eksploziv dhe lëvizje të automjeteve ushtarake në një poligon serb.
“Grupi ishte mirë i organizuar dhe kishte për qëllim të qartë kryerjen e sulmit më 24 shtator 2024,” deklaroi Prokurori Abazi.
