Autoriteti Rregullativ i Komunikimeve Elektronike dhe Postare (ARKEP), ka publikuar raportin për indikatorët kryesorë të komunikimeve elektronike “pasqyrë e tregut të komunikimeve elektronike.
ARKP njofton se numri total i përdoruesve të telefonisë mobile në fund të tremujorit të tretë (TM3-2022) është 1,943,944 përkatësisht për 0.07% më i ultë krahasuar me periudhën e njëjtë të vitit të kaluar (TM3-2021), raporton RTKlive. “Ndërsa, krahasuar me tremujorin paraprak TM2-2022 numri i përdoruesve është 12.49% me i lartë”, thuhet në raport.
Ngjashëm me numrin e përdoruesve, edhe penetrimi i shërbimeve të telefonisë mobile në periudhën raportuese ka shënuar rritje në krahasim me tremujorin paraprak, ndërsa me tremujorin e njëjtë të vitit të kaluar (TM3 2021) raporti është pothuajse i njëjtë. “Penetrimi i shërbimeve të telefonisë mobile tani është në nivelin 107.1% të numrit të popullsisë”, thuhet në raport.
Sikurse në TM2 2022 edhe në periudhën TM3 2022, sipas ARKEP ka vazhduar trendi rënës i lehtë i parapaguesve të telefonisë fikse. “Të dhënat për normën e Norma e penetrimit të telefonisë fikse në Kosovë vazhdon të jetë shumë e ulët krahasuar me vendet e rajonit, e sidomos me shtetet e BE-së”, njofton ARKEP.
