Mësohet se eksportuesi i parë është Feronikeli që eksporton xehe.
Zëdhënësi i Doganës së Kosovës, Adriatik Stavileci, ka thënë se në tremujorin e parë të vitit 2021 eksporti në vend ka shënuar rritje prej 40 milionë euro në krahasim me periudhën e njëjtë të vitit paraprak.
“Në vitin e kaluar eksporti ka qenë në vlerë prej 87 milionë euro, kurse sivjet është 126 milionë. Eksporti i mallrave është bërë kryesit në vendet e Bashkimin Evropian, vendet e CEFTA-s, por rritje të eksportit ka edhe drejt SHBA-së”, ka thënë Stavileci.
“Eksporti ynë dominon produktet e metaleve por ka edhe rritje të industrive që eksportojnë produkte gatshme që përfundojnë tek konsumatorët. Kemi industri që janë duke u rritur, ajo e përpunimit të metaleve, ajo e mobilierive eksporton në SHBA dhe BE. Kemi industrinë ushqimore të pijeve alkoolike dhe joalkoolike”.
Stavileci ka thënë se çdo e hyrë nga eksporti përkthehet në mirëqenie të qytetarëve të Kosovës.
