Pasi ditë më parë Ministrit të Kulturës së republikës së Kosovës Hajrula Cekut iu ndalua hyrja në Presheve, i njejti sot priti në takim Kryetaren e kesaj Komune znj. Ardita Sinani.
Sinani ndryshe u shpreh se me Ministrin ne detyre z.Ceku kane projekte të përbashkëta e konkrete për Luginën e Preshevës.
“Sot takuam Ministrin e Kulturës, Rinisë dhe Sportit të Republikës së Kosovës, mikun tonë të çmuar z. Hajrulla Çeku. Pa dyshim ishte një takim i mbushur me bashkëpunim, vizion dhe përkushtim të ndërsjellë.
Me ministrin Çeku diskutuam dhe u koordinuam për realizimin e projekteve të përbashkëta në fushën e Kulturës, Trashëgimisë Kulturore dhe Sportit – fushë këto kyçe për identitetin dhe shpirtin një kombi. Projektet që do të konkretizohen do të jenë jo vetëm krenari e Qeverisë së Kosovës, por edhe e Komunës së Preshevës, sepse janë vepra që i përkasin gjithë shqiptarëve, kudo që janë.
Faleminderit Ministrit Çeku për vëmendjen e vazhdueshme dhe gatishmërinë për të mbështetur komunitetin shqiptar në Luginën e Preshevës, sepse përtej kufijve politikë, na bashkon një gjuhë, një histori dhe një dashuri e madhe për kulturën tonë të përbashkët.
Shteti i Serbisë nuk lejoi disa herë ardhjen e ministrit në Luginën e Preshevës, por pavarësisht pengesës fizike, lidhjet mes nesh janë edhe shpirtërore edhe më të thella tashmë edhe përmes veprave konkrete.
Bashkë do t’i japim zë dhe jetë trashëgimisë sonë dhe do të ndërtojmë ura të qëndrueshme për të rinjtë tanë në sport dhe kulturë.” shkroi ajo në rjetin social facebook.
