Një tubim i jashtëzakonshëm u mbajt në Zvicër, ku qindra qytetarë iu bashkuan një zëri në mbështetje të kandidaturës së Bedri Hamzës për Kryeministër të Kosovës. Atmosfera entuziaste dhe pjesëmarrja masive treguan përkushtimin e diasporës ndaj ndryshimeve pozitive në vend.
Në këtë organizim, që u cilësua si një sukses i jashtëzakonshëm, u shpreh mirënjohje e veçantë për aktivistët që u angazhuan në realizimin e tij. “Kosova mundet më mirë!” ishte mesazhi që përshkoi këtë ngjarje, duke dëshmuar përkrahjen e madhe për vizionin e Hamzës për një Kosovë më të zhvilluar dhe më të drejtë.
Tubimi në Zvicër shërbeu si një tregues i qartë i rëndësisë që diaspora i jep proceseve politike dhe zhvillimeve në vend. Përkrahësit theksuan nevojën për një udhëheqje të re që garanton zhvillim ekonomik, stabilitet politik dhe një të ardhme më të mirë për të gjithë qytetarët e Kosovës.
Ky tubim ishte vetëm një nga shumë takime të mbajtura në diasporë në kuadër të mobilizimit për zgjedhjet e ardhshme, duke konfirmuar mbështetjen e fuqishme për Bedri Hamzën dhe vizionin e tij për Kosovën.
