Agjencia e Ushqimit dhe Veterinarisë ka njoftuar se në Shtetin e Hungarisë ka shpërthyer sëmundja virale e kafshëve “Afta Epizootike”. Sipas një njoftimi të publikuar në sistemin ADIS (Animals Diseases Information System) të BE-së, sëmundja ka prekur gjithashtu edhe Sllovakinë, sidomos në zonat kufitare me Hungarinë.
Për këtë arsye, në përputhje me Kodin Terrestial të Shëndetit të Kafshëve dhe legjislacionin e BE-së, është marrë masa që të ndalohet importi i kafshëve të gjalla (gjedhe, dele, dhi dhe derra) dhe produkteve të tyre nga e gjithë Sllovakia.
Afta Epizootike është një sëmundje virale që përhapet shpejt dhe prek kryesisht kafshët dythundrake, duke shkaktuar dëme të mëdha ekonomike. Sëmundja mund të preki kafshët shtëpiake si lopët, delet, dhitë, derrat, si dhe ripërtypësit e egër si drerët dhe kaprollat. Shënjat klinike përfshijnë ethe dhe formimin e flluskave në mukozën e gojës, në gji, në kurorën e thundrës dhe ndërmjet thundrave.
Është e rëndësishme të theksohet se sëmundja e Aftës Epizootike nuk paraqet rrezik për shëndetin e njerëzve, por ka një ndikim të madh në prodhimin dhe tregtinë e kafshëve. Në rast konfirmimi të sëmundjes, Kosova ka kapacitetet e nevojshme inspektuese për të marrë masat e kontrollit dhe për të mbajtur statusin e saj të lirë nga kjo sëmundje.
